‘మహేష్ అంటే నాకు చాలా ఇష్టం అంటున్న హీరోయిన్....

హీరోయిన్లలో మహేష్ బాబు అభిమానులు పెరిగిపోతున్నారు. తాజాగా ఈ జాబితాలోకి తాప్సి చేరిపోయింది. ఈ మధ్య మహేష్ మంత్ర పారాయణం చేస్తోందట. స్నేహితులతోనూ కొంతమంది నిర్మాతల దగ్గరా కూడా మహేష్ బాబుని తెగ మోసేస్తోందట.  ‘మహేష్ అంటే నాకు చాలా ఇష్టం. నిజానికి పోకిరి చూసిన దగ్గర్నుంచే నేను పెద్ద ఫ్యాన్ గా మారిపోయాను. ఆ మధ్య వచ్చిన బిజినెస్ మ్యాన్ అయితే ఎన్ని సార్లు చూసి ఉంటానో నాకే తెలీదు....’ ఇలా చెప్పుకుంటూ పోతోందట. ఉన్నట్టుండి ఈ జపం ఎందుకు ప్రారంభించిందనేగా మీ అనుమానం? ఈ మాట ఆనోటా ఈనోటా మహేష్ కి చేరితే... భవిష్యత్తులో అతడి పక్కన నటించే అవకాశం సంపాదించడం కోసం ఇప్పట్నుంచే ఓ స్కెచ్ వేస్తున్నట్టు ఎవ్వరికైనా అర్థమైపోతుంది.