పవన్ కళ్యాణ్ బెస్ట్ ఫ్రెండ్ ఎవరు?

ఈ ప్రశ్నకు సమాధానం తెలుసుకోవాలని చాలామందికి ఉంటుంది. ఇదే ప్రశ్నని ఈ పవర్ స్టార్ ని అడిగితే పుస్తకాలే నా బెస్ట్ ఫ్రెండ్స్ అంటున్నాడు. పవన్ దగ్గర చాల పుస్తకాల కలెక్షన్ ఉందని చాలా మందికి తెలియదు. పవన్ పుస్తకాల పురుగని కూడా చాల మందికి తెలియదు. వాటిలో ఫిక్షన్, హిస్టరీ లాంటి అన్ని రకాల పుస్తకాలు ఉన్నాయి. పవన్ ప్రస్తుతం కెమెరామెన్ గంగతో రాంబాబు షూటింగ్ సమయంలో ప్రకాష్ రాజ్ ఇచ్చిన పుస్తకాన్ని చదివే పనిలో పడ్డాడు. పవన్ కెమెరామెన్ గంగతో రాంబాబు సినిమా తరువాత త్రివిక్రమ్ డైరెక్షన్లో నటించనున్నాడు. ఈ సినిమాకి హరే రామ హరే కృష్ణ అనే టైటిల్ కూడా అనుకున్నట్లు సమాచారం. గతంలో వీరి కాంబినేషన్లో వచ్చిన జల్సా ఎంత క్రేజ్ క్రియేట్ చేసిందో తెలిసిందే. ఈ సినిమా షూటింగ్ నవంబర్ నెలలో ప్రారంభం కానుంది.. ప్రస్తుతం ఆయన చలం రచనల్లో మునిగి తేలుతున్నారు. పవన్‌.. చలం సమగ్ర సాహిత్యాన్ని చదువుతున్నారు. ఈ పుస్తకాల్ని 'కెమెరామెన్‌ గంగతో రాంబాబు' చిత్రీకరణ సమయంలో నటుడు ప్రకాష్‌రాజ్‌ ఆయనకు బహూకరించారు. తన తదుపరి చిత్రం షూటింగ్ మొదలయ్యే గ్యాప్ లో ఈ పుస్తకాలను పూర్తి చేయాలని ఆయన భావిస్తున్నట్లు చెప్తున్నారు.
ఇక పవన్ సెట్లో కూడా కాస్త తీరిక చిక్కితే ఏదో ఒక పుస్తకం చదువుతూనే ఉంటారు. పుస్తకాలు చదవడమే కాదు... 'ఫలానా పుస్తకం బాగుంది. తప్పకుండా చదవండి' అని సన్నిహితులకు చెబుతుంటారు. అలాగే మార్క్స్‌ భావనలంటే ఇష్టపడే పవన్‌... ఆ సిద్ధాంత గ్రంధాలను తిరగేస్తుంటారు. అభ్యుదయ గేయాలంటే చాలా ఇష్టం. ఆయన సన్నిహితుడైన త్రివిక్రమ్ శ్రీనివాస్ కొత్తగా వచ్చిన పుస్తకాలలో తాను చదివిన వాటిలో మంచివి రిఫెర్ చేస్తూండటం, ఓ కాపీ పంపడం చేస్తూంటారు.
పవన్ బుక్ రీడింగ్ గురించి పూరీ మాట్లాడుతూ....నాకు తెలిసి పవన్‌ చదివినన్ని పుస్తకాలు మరే ఇతర హీరో చదివి ఉండడు. నేను మర్చిపోయిన కొన్ని తెలుగు పదాలు కూడా ఆయన ప్రస్తావిస్తూ ఉంటారు. పుస్తకాలు విరివిగా దొరికే ఓ వైబ్‌సైట్‌ పేరు చెప్పారు. ప్రకాష్‌రాజ్‌ నాకూ, పవన్‌కీ చలం పుస్తకాలన్నీ కానుకగా పంపించారు అన్నారు           .POST BY VENKATESH.GURRALA