వెస్పా  స్కూటర్: ధర తగ్గించిన పియాజ్జియో

ఇటలీకు చెందిన పియాజ్జియో భారతీయ అనుబంధ కంపెనీ పియాజ్జియో వెహికల్స్ ఈ ఏడాది ఏప్రిల్ నెలలో దేశీయ విపణిలో విడుదల చేసిన ప్రీమియం లైఫ్ స్టయిల్ స్కూటర్ "వెస్పా ఎల్ఎక్స్ 125" ధరను భారీగా తగ్గించింది. ప్రస్తుత పండుగ సీజన్‌ను దృష్టిలో ఉంచుకొని కంపెనీ ఈ మోడల్‌పై డిస్కౌంట్‌ను ఆఫర్ చేస్తోంది. గతంలో ఈ స్కూటర్ దర రూ.74,490 (ఆన్-రోడ్, పూనే)గా ఉండగా, ఇప్పుడు ఇది కేవలం రూ.67,983 (ఆన్-రోడ్, పూనే) లకే లభ్యమవుతోంది.
వెస్పా ఎల్ఎక్స్ 125 స్కూటర్‌లో ఉపయోగించిన 124సీసీ సింగిల్ సిలిండర్ ఇంజన్‌‌ను ఉపయోగించారు. ఇది గరిష్టంగా 7500 ఆర్‌పిఎమ్ వద్ద 10.26 బిహెచ్‌పిల శక్తిని, 6000 ఆర్‌పిఎమ్ వద్ద 10.6 ఎన్ఎమ్‌ల టార్క్‌ను విడుదల చేస్తుంది. భారత మార్కెట్లో లభిస్తున్న స్కూటర్లలో కెల్లా ఇదే అత్యంత శక్తివంతమైనది. ఇందులో సివిటి (కంటిన్యూస్లీ వేరియబిల్ ట్రాన్సిమిషన్) గేర్‌బాక్స్‌ను ఉపయోగించారు,,,,,వెస్పా ఎల్ఎక్స్ 125లో ఆరు ఆకర్షనీయమైన రంగుల్లో లభ్యమవుతుంది. దీని ఫ్యూయెల్ ట్యాంక్ కెపాసిటీ 8 లీటర్లు. ఇది ఎలక్ట్రిక్ స్టార్ట్ లేదా కిక్ స్టార్ ఆప్షన్లతో లభిస్తుంది. ఎయిర్‌క్రాఫ్ట్‌లలో ఉపయోగించే సింగిల్ సైడెడ్ ట్రైలింగ్ ఆర్మ్ (ముందు చక్రానికి ఒకవైపు మాత్రమే ఉండే సస్పెన్షన్)ను ఉపయోగించారు. సింగిల్ పీస్ మోనోకాక్వ్ షాషీ (ఛాస్సిస్) కలిగిన ఏకైక స్కూటర్ వెస్పా ఎల్ఎక్స్ 125 మాత్రమే.ఇండియన్ కస్టమర్ల కోసం ఎక్స్‌క్లూజివ్ యాక్ససరీస్, మర్చండైస్‌లను కూడా పియాజ్జియో ఆఫర్ చేయనుంది. దేశవ్యాప్తంగా ఉన్న 35 ప్రధాన నగరాల్లో 50 షోరూమ్‌లను ఏర్పాటు చేసి, అక్టోబర్-నవంబర్ 2012 నాటికి ప్రతి నెలా 12,000 వెస్పా స్కూటర్లను విక్రయించాలని పియాజ్జియో లక్ష్యంగా పెట్టుకుంది.
Written by: venkatesh.gurrala