కొత్తదనం ప్రేక్షకుల కు కాదు.. మాకూ కావాలి: కాజల్

నాకు హిట్స్ కొత్త కాదు, వాటి ద్వారా లభించే ఆనందం అంతకన్నా కొత్త కాదు. అయితే... ఒక మంచి పాత్రతో ప్రేక్షకుల్ని మెప్పించానన్న తృప్తి ఇప్పుడు నాకు కలుగుతోంది అంటోంది కాజల్. ఈ ముద్దుగుమ్మ ఇటీవల 'తుపాకి' చిత్రంతో విజయాన్ని సొంతం చేసుకొంది. ఆ అనుభూతి గురించి చెప్పమని మీడియా వారు కాజల్‌ని అడిగితే ఇలా స్పందించింది. అలాగే ''ప్రేక్షకులు కొత్తదనం కోరుకొంటున్నారనే మాట పరిశ్రమలో తరచూ వినిపిస్తుంటుంది. ఆ కొత్తదనం ప్రేక్షకులకే కాదు.. మాకూ కావాలి'' అని చెబుతోంది కాజల్‌.
ఇక కారణాలేవైనా... తొలినాళ్లలో ఒకే తరహా పాత్రల్లో నటించాను. ఇప్పుడు మాత్రం నా దృష్టంతా కొత్త పాత్రలవైపే. ఉదయం లేవగానే... తొందరగా సెట్‌కి వెళదాం అనేంత ఉత్సాహాన్ని ఆ పాత్రలు నాకు కలిగించాలి. చిత్ర పరిశ్రమలో ఆరేళ్లుగా ప్రయాణం చేస్తున్నాను. ఇప్పుడు కూడా మూస పాత్రలతోనే సరిపెట్టుకోవడం నాకు ఇష్టం లేదు అని తేల్చి చెప్పింది.
అంతేకాదు తెరపై హాస్యం పండించడం నాకు చేతకాదేమో అనుకొనేదాన్ని. కానీ ఇటీవల అక్షయ్‌ కుమార్‌తో కలిసి 'స్పెషల్‌ ఛబ్బీస్‌' చిత్రంలో నటిస్తున్నప్పుడు నేనూ వినోదం పండించగలనని అర్థమైంది''అని చెప్పుకొచ్చింది. కాజల్‌ ప్రస్తుతం తెలుగులో 'నాయక్‌', 'బాద్‌షా', 'సారొచ్చారు' చిత్రాలతో బిజీబిజీగా గడుపుతోంది.

ఆసుపత్రిలో మనీషా కొయిరాలా

ఒకప్పటి స్టార్ హీరోయిన్ మనీషా కొయిరాలా ఆపత్రి పాలయ్యారు. బాలీవుడ్ వర్గాల నుంచి అందిన సమాచారం ప్రకారం ఆమె మంగళవారం అన్‌కాన్సియస్(చలనం లేని స్థితి)అయి పడిపోయారని, వెంటనే ఆమెను ముంబైలోని జాస్లోక్ ఆసుపత్రికి తరలించినట్లు తెలుస్తోంది.
కొన్ని రోజులుగా ఆమె ఆరోగ్య పరిస్థితి బాగోలేదని మనీషా కొయిలారా సన్నిహితులు అంటున్నారు. వైద్యులు ఆమెకు పలు రకాల టెస్టులు నిర్వహించారని, టెస్టు రిపోర్టులు వచ్చిన తర్వాత ఆమెను డిశ్చార్జ్ చేసే అవకాశం ఉందని అంటున్నారు. ఆమెకు కేన్సర్ వ్యాధి ఉందనే వార్తలు కూడా వినిపిస్తున్నాయి. పూర్తి వివరాలు ఇంకా తెలియాల్సి ఉంది.

నేపాల్‌కు చెందిన మనీషా కొయిరాలా 1991లో ‘సౌదాగర్' అనే చిత్రం ద్వారా భారతీయ సినీ రంగంలోకి అడుగు పెట్టింది. తన అంద చందాలు, నటనా నైపుణ్యంతో అనతి కాలంలోనే టాప్ హీరోయిన్ గా ఎదిగింది. హిందీతో పాటు దక్షిణాది భాషల్లోనూ మనీషా కొయిరాలకు అవకాశాలు వెల్లువెత్తాయి. వయసు పైబడ్డాక సినిమా అవకాశాలు తగ్గడంతో నేపాల్ చెందిన వ్యాపార వేత్తను పెళ్లి చేసుకుని అతనితో పొసగక విడిపోయింది.
కెరీర్ సరిగా లేక పోవడం, పర్సనల్ లైఫ్ సమస్యలతో బాగా సఫర్ అయిన మనీషా.... ఆ మధ్య మద్యానికి బానిసైంది. ఆమె అనారోగ్యానికి ఈ అల వాటుకు కూడా కారణం అని అంటున్నారు. మనీషా చివరి సారిగా నటించిన సినిమా ఇటీవల రామ్ గోపాల్ వర్మ దర్శకత్వంలో వచ్చిన ‘భూత్ రిటర్న్స్'.

యాక్షన్ ప్రేమికులకు నిరాశను కలిగించేవార్త.....యాక్షన్:సినిమాలు చెయను :జాకీచాన్

 జాకీచాన్ అంటే యాక్షన్...యాక్షన్ అంటే జాకీ చాన్. అలా యాక్షన్ చిత్రాలకు బ్రాండ్ అంబాసిడ్ లా మారిపోయిన ఇంటర్నేషనల్ హీరో జాకీచాన్. ఆయన అభిమానులు నిరాశపరిచే నిర్ణయం తీసుకున్నారు. ఇకపై భారీ యాక్షన్ చిత్రాల్లో నటించకూడదని నిర్ణయించుకున్నారట. యాక్షన్ ప్రేమికులకు ఈ వార్త తీవ్ర నిరాశను కలిగించేదే.
ఇక ఈ విషయాన్ని జాకీచాన్‌తో సన్నిహిత సంబంధాలు కలిగిన ఇండో ఓవర్‌సీస్ ఫిలింస్ అధినేత ఫిరోజ్ ఆలీ బుధవారం రాత్రి వెల్లడించారు. దీంతో జాకీచాన్ నటించిన ఆఖరి మేజర్ యాక్షన్ చిత్రంగా డిసెంబర్ 20న ప్రపంచ వ్యాప్తంగా విడుదల కాబోతున్న 'సీజెడ్ 12' మిగిలిపోనుంది.
ఎన్నో కష్టనష్టాలతో సినీ ప్రస్థానం ఆరంభించిన జాకీచాన్‌ ఆ తరువాత అంతర్జాతీయ స్థాయికి ఎదిగాడు. ఆక్రోబాటిక్‌ ఫైటింగ్‌ స్టయిల్‌, సెన్స్‌ ఆఫ్‌ హ్యూమర్‌కు, వినూత్న స్టంట్స్‌కు మారుపేరు జాకీచాన్‌,ఆయన పేరు చెబితే చాలు మార్షల్‌ ఆర్ట్స్ అభిమానులు పులకరించిపోతారు. 1960 నుంచి నటనారంగంలో ఉన్న జాకీచాన్‌ ఇటీవలే తన 100వ చిత్రాన్ని పూర్తి చేసుకున్నారు. గాయకుడు కూడా అయిన జాకీచాన్‌ ఎన్నో ఆల్బమ్స్‌ కూడా విడుదల చేశారు. తాను నటించిన చిత్రాల్లోనూ ఎన్నో థీమ్‌ సాంగ్స్‌ పాడారు.

ఎనిమిదేళ్ళ వయస్సులోనే జాకీచాన్‌ 'బిగ్‌ అండ్‌ లిటిల్‌ వాంగ్‌ టిన్‌ బార్‌' (1962)లో నటించాడు. అలా ఆయన సినిమా కేరీర్‌ ప్రారంభమైంది. 17 ఏళ్ళవయస్సులో బ్రూస్‌లీ సినిమాల్లో స్టంట్‌మాన్‌గా నటించాడు. ఆ తరువాత 'లిటిల్‌ టైగర్‌ కాంటన్‌' లో ప్రముఖ పాత్ర లభించింది. 1973లో అది హాంకాంగ్‌ ప్రాంతంలో మాత్రమే విడుదలైంది. మొదట్లో నటించిన సినిమాలు ఫెయిల్‌ కావడం, స్టంట్‌ పనులు దొరకడం కష్టం కావడంతో 1975లో జాకీచాన్‌ పెద్దలకు మాత్రమే అనదగ్గ 'ఆల్‌ ఇన్‌ ది ఫ్యామిలీ' సినిమాలో నటించాడు. జాకీచాన్‌ నటించిన వాటిల్లో ఒక్క ఫైట్‌ లేదా స్టంట్‌ సీన్‌ లేని చిత్రం అదొక్కటే కావడం విశేషం.

పవన్ కళ్యాణ్‌తో మురుగదాస్

తుపాకి సినిమాతో ఇటీవల భారీ విజయం సొంతం చేసుకున్న ప్రముఖ తమిళ దర్శకుడు మురుగదాస్, నెక్ట్స్ పవర్ స్టార్ పవన్ కళ్యాణ్‌తో సినిమా చేయడానికి సిద్ధం అవుతున్నారని తెలుస్తోంది. 2013లో ఈచిత్రం ప్రారంభం అయ్యే అవకాశాలు ఉన్నట్లు సమాచారం.
ప్రముఖ పత్రిక కథనం ప్రకారం.... మురుగదాస్‌తో కలిసి పని చేయడానినికి పవన్ కళ్యాణ్ అంగీకరించారని, ఈ భారీ చిత్రాన్ని బడా నిర్మాత అల్లు అరవింద్ తన గీతా ఆర్ట్స్ బేనర్‌పై తెరకెక్కించబోతున్నట్లు టాక్. ప్రస్తుతం మురుగదాస్ పవన్ తో చేయబోయే సినిమాకు సంబంధించి స్క్రిప్టు రాసుకోవడంలో బిజీ అయిపోయారట.
ఆసంగతి పక్కన పెడితే... పవన్ కళ్యాణ్ ప్రస్తుతం దర్శకుడు త్రివిక్రమ్ తో చేయబోయే సినిమాకు సిద్దం అయ్యారు. ఈ చిత్రం షూటింగ్ నవంబర్ 23న హైదరాబాద్ లోని ఓ దేవాలయంలో జరిగింది. తాజాగా అందుతున్న రిపోర్ట్స్ ప్రకారం త్రివిక్రమ్‌తో సినిమా పూర్తయిన తర్వాత మురుగదాస్ తో కలిసి పవన్ పని చేయనున్నారు.

ఇక మురుగదాస్ తుపాకి చిత్రం వివరాల్లోకి వెళితే...దీపావళికి విడుదలైన ఈచిత్రం తెలుగు, తమిళంలో విడుదలై భారీ కలెక్షన్లు సాధిస్తోంది. ఇప్పటికే ఈచిత్రం రూ.100 కోట్ల కలెక్షన్లు సాధించినట్లు దర్శకుడు మురుగదాస్ ఇటీవల తన సోషల్ నెట్వర్కింగ్ సైట్లో పేర్కొన్నారు.

ఆసిన్‌ను పబ్లిక్ గా ముద్దు పెట్టుకున్న హీరో

బాలీవుడ్ స్టార్ అక్షయ్ కుమార్, అసిన్ కలిసి నటించిన సినిమా ‘కిలాడీ 786'. ప్రస్తుతం ఈ ఇద్దరు స్టార్స్ ఈ చిత్రం ప్రమోషన్లో బిజీగా ఉన్నారు. 12 సంవత్సరాల క్రితం అక్షయ్ కుమార్ ‘కిలాడీ' అనే హిట్ చిత్రంలో నటించాడు. ఇప్పుడు మళ్లీ అదే పేరుతో సినిమా విడుదలవుతుండటంతో ఈ మూవీపై మంచి అంచనాలున్నాయి
ఇటీవల ‘కిలాడీ 786' యూనిట్ సభ్యులు ముంబైలోని ఓ కాలేజీ గ్రౌండ్స్ లో నిర్వహించిన ప్రమోషన్ కార్యక్రమంలో పాల్గొన్నారు. ఈ సందర్భంగా అక్షయ్ కుమార్ ఆసిన్‌ను పబ్లిక్ గా ఆమె మెడపై ముద్దు పెట్టుకుని అందరినీ ఆశ్చర్య పరిచాడు. అయితే ఇదంతా సినిమా పబ్లిసిటీ కోసమే చేసినట్లు స్పష్టం అవుతుంది. ఆ దృశ్యాన్ని మీరు ఈ ఫోటోలో వీక్షించొచ్చు.

‘కిలాడీ 786' చిత్రానికి ఆశిష్ ఆర్ మోహన్ దర్శకత్వం వహిస్తున్నారు. అక్షయ్ కుమార్, అసిన్ హీరో హీరోయిన్లుగా నటిస్తుండగా మిథున్ చక్రవర్తి, రాజ్ బబ్బర్, హిమేష్ రేషిమియా ఇతర ముఖ్య పాత్రల్లో నటిస్తున్నారు. డిసెంబర్ 7న ఈచిత్రం విడుదలకు సిద్ధం అవుతోంది.

సినీ నటి భువనేశ్వరి కేసులోఅసలు విషయం ఎమిటీ ?

సినీ నటి భువనేశ్వరిపై మరోసారి పోలీసులు కేసు నమోదు చేసిన సంగతి తెలిసిందే. ఈ కేసు పూర్వపరాలు బయిటకు వచ్చాయి. ఆమె ఆదివారం రాత్రి చెన్నైలోని ప్రార్ధనా థియోటర్ వద్ద తాగి, తనతో పాటు వచ్చిన హై కోర్టు లాయిర్ దామోదర్ కృష్ణన్ తో కలిసి డాన్స్ వేయటంతో గొడవ మొదలైంది. ఆ తర్వాత తన కుటుంబ సభ్యులతో సినిమాకు వచ్చిన కుమార్ అనే వ్యక్తి కారును వీరు తమ కారుతో ఢీ కొట్టారు.
ఢీ కొట్టటమే కాకుండా తాగిన మత్తులో భువనేశ్వరితో పాటు వచ్చిన లాయిర్ ...వారి ఫ్యామిలీని కొట్టడానికి ప్రయత్నించాడు. ఈలోగా పోలీసులు వచ్చాయి.అయితే భువనేశ్వరి ఇదేమీ పట్టించుకోకుండా భువనేశ్వరి రోడ్డుమీదే డాన్స్ మొదలు పెట్టింది. ఇలా గొడవని పెంచి పెద్దది చేసింది.
పోలీసుల కథనం ప్రకారం.. సేలయూరుకు చెందిన కుమార్‌ తన కుటుంబంతో ఆదివారం రాత్రి ఈజంబాక్కంలోని ఓ థియేటర్‌కు వచ్చారు. నటి భువనేశ్వరి కూడా దామోదరకృష్ణన్‌ అనే వ్యక్తితో సినిమా చూసేందుకు చేరుకున్నారు. అక్కడ దామోదరకృష్ణన్‌కు, కుమార్‌కు మధ్య వాగ్వాదం చోటుచేసుకుంది. ఇంతలో మరికొందరు వచ్చి కుమార్‌పై దాడి చేశారు.
సమాచారం తెలియడంతో సంఘటన స్థలికి నీలాంగరై ఇన్‌స్పెక్టర్‌ కృష్ణమూర్తి చేరుకున్నారు. ఆయనపైనా కొందరు దాడి చేసినట్లు సమాచారం. బాధితుడి ఫిర్యాదు మేరకు భువనేశ్వరితోపాటు మిగతావారిపైనా పోలీసులు కేసు నమోదు చేశారు. దర్యాప్తు కొనసాగుతోంది. ఈ విషయమై తన తప్పేమీ లేదని భువనేశ్వరి అంటోంది. అయితే ఆమె మీడియాతో మాట్లాడటానికి ఆసక్తి చూపలేదు.
గతంలో కూడా భువనేశ్వరి వ్యభిచారం కేసులో అరెస్టు అయింది. అయితే అప్పుడు తానేమీ బ్రోతల్ హౌస్ రన్ చేయటం లేనది స్నేహితులుతో కలిసి ఉండగా రైడ్ చేసి అరెస్టు చేసారని ఆరోపించింది. కొందరు పరిశ్రమ పెద్దలు కలగచేసుకోవటంతో ఆమె అప్పట్లో బయిటపడింది. అయితే మరో సారి విటులతో రెడ్ హ్యాండెడ్ గా సహా పట్టుబడటంతో కోర్టుకు వెళ్ళాల్సి వచ్చింది. చెన్నై సిటీ ఏంటీ ప్రాసిట్యూషన్ వింగ్ తమకు అందిన సమాచారాన్ని ఆధారం చేసుకుని రైడ్ చేసారు. అలాగే ఈ బ్రోతల్ నెట్ వర్క్ లో మరికొందరు సినిమావాళ్ళు ఉన్నారని ఆమె ప్రకటించి సంచలనం రేపింది.

‘ఢమరుకం': 3 రోజుల్లో 18 కోట్లు

ఢమరుకం' సినిమా విడుదల చాలా ఆలస్యం అయినప్పటికీ మంచి విజయం సాధించింది, నా కెరీర్లోనే పెద్ద హిట్ గా నిలిచింది. ఇప్పుడు నేను నిజమైన కింగ్ లా ఫీలవుతున్నాను అంటూ ఆనందం వ్యక్తం చేసారు అక్కినేని నాగార్జున. మంగళవారం ఏర్పాటు చేసిన ఢమరుకం చిత్రం సక్సెస్ మీట్లో నాగార్జున మాట్లాడుతూ ఈ వ్యాఖ్యలు చేసారు. సినిమాను హిట్ చేసిన వారికి, సినిమా విజయం కోసం కృషి చేసిన వారికి ఆయన థ్యాంక్స్ చెప్పారు.
మరో వైపు సినిమా పైరసీపై నాగార్జున ఆందోళన వ్యక్తం చేసారు. పీరసీని ప్రొత్స హించ వద్దని, అలాంటివి ఎవరి దృష్టికైనా వస్తే పోలీసులకు లేదా యాంటీ పైరసీ సెల్ కు సమాచారం అందించాలని కోరారు. నిర్మాత అచ్చిరెడ్డి మాట్లాడుతూ సినిమా ఆలస్యం అయినందుకు క్షమాపణలు చెప్పారు.
డమరుకం సినిమా నాగార్జున కెరీర్లోనే బిగ్గెస్ట్ హిట్ చిత్రంగా నిలిచిందని, ఈ చిత్రం 3 రోజుల్లో 18 కోట్లు వసూలు చేసినట్లుగా అచ్చిరెడ్డి తెలిపారు. హీరోయిన్ అనుష్క మాట్లాడుతూ సినిమాకు ఓ ఆర్టిస్టుగా కాకుండా ఓ భక్తురాలిగా పని చేసానని, అరుంధతి చిత్రం తర్వాత అటువంటి తరహా చిత్రంలో పని చేయడం ఆనందంగా ఉందని చెప్పుకొచ్చింది.
అన్ని విభాగాల వారు కలిసి కట్టుగా కష్టపడి పని చేయడం వల్లనే సినిమా ఈ రోజు ఇంత పెద్ద విజయం సాధించిందని, నాలాంటి చిన్న దర్శకుడికి పెద్ద బాధ్యత అప్పగించినందుకు ఆర్ ఆర్ మూవీ మేకర్స్ వారికి, నాగార్జునకు స్పెషల్ థాంక్స్, ఈ విజయం నాకెంతో సంతోషాన్ని ఇచ్చిందని చెప్పారు దర్శకుడు శ్రీనివాసరెడ్డి.

తెలుగు సినిమాలు కు సెన్సార్ ఉందా ?

ఈ రోజుల్లో, బస్ స్టాప్ చిత్రాల పుణ్యామా అని సాప్ట్ పోర్న్ చిత్రాలు తెలుగులో వరస పెట్టి దూకేస్తున్నారు. ఎక్కడెక్కడ వాళ్లు ఈ తరహా చిత్రాల వల్ల లాభాలు ఖాయం అనే నమ్మకంగా రెడీ అవుతున్నారు. తాజాగా ‘ఓ ఆంటీ కథ' టైటిల్ తో రూపొందిన చిత్రం పోస్టర్స్ అందరినీ షాక్ కి గురి చేస్తున్నాయి. సోనీ, శిరీష ప్రధాన పాత్రధారులుగా శ్రీ వెంకటరామా క్రియేషన్స్ పతాకంపై కె.ఎస్.ప్రసాద్ దర్శకత్వంలో బి.ఆర్.ప్రసాద్ నిర్మించిన చిత్రం ‘ఓ ఆంటీ కథ' షూటింగ్ పూర్తిచేసుకుని విడుదలకు సిద్ధమైంది.
చిత్రం గురించి నిర్మాత మాట్లాడుతూ, అక్రమ సంబంధాల నేపథ్యంలో ఈ చిత్రం సాగుతుందని, వాటితో ఎన్ని అనర్థాలకు గురౌతున్నారో అనే వాస్తవాన్ని చిత్ర దర్శకుడు తెరపై ఆవిష్కరించారని తెలిపారు. మూడు పాటలతో ముస్తాబైన ఈ చిత్రాన్ని డిసెంబర్‌లో విడుదలచేయడానికి సన్నాహాలు చేస్తున్నామని తెలిపారు.
గుండు హనుమంతరావు, కోట శంకర్రావు, కృష్ణమోహన్ తదితరులు నటించిన ఈ చిత్రానికి మాటలు:రమేష్, పాటలు: కైలాస్, సంగీతం: లలిత్-సురేష్, కెమెరా: ఆనంద్ శ్రీరామ్, ఎడిటింగ్: నందమూరి బెనర్జీ, నిర్మాత: బి.ఆర్.ప్రసాద్, కథ, స్క్రీన్‌ప్లే, దర్శకత్వం: కె.ఎస్.ప్రసాద్.

లీగల్ సమస్యల్లో రామ్ చరణ్ జంజీర్'

రామ్ చరణ్ హిందీలో ఎంట్రీ ఇస్తూ చేస్తున్న చిత్రం ‘జంజీర్'. ఈ చిత్రం మొదలైన దగ్గరనుంచి ఏదో ఒక సమస్య ఎదుర్కొంటూనే ఉంది. తాజాగా ఈ చిత్రం రైట్స్ విషయమై లీగల్ సమస్యలు మొదలయ్యాయి. ఈ చిత్రం రీమేక్ రైట్స్ ని టెర్మినేట్ చేస్తూ హక్కుదారులు లీగల్ నోటీసులు పంపిచారు.

ముందుగా అనుకున్న డబ్బు సెటిల్ చేసి ఇవ్వకపోవటం వల్ల జంజీర్ రైట్స్ కాన్సిల్ చేస్తున్నట్లు హక్కుదారులు తేల్చి చెప్పి కోర్టు కెక్కారు. ఇక ఈ వివాదం మొదలైంది చిత్రం రైట్స్ కి చెందిన ముగ్గురు అన్నదమ్ముల మధ్యనే కావటం విశేషం. తమ తండ్రి నిర్మించిన జంజీర్ రైట్స్ కొడుకులకు రాగా, అందులో ఒకతను ఈ చిత్రాన్ని నిర్మిస్తున్నాడు. మిగతా ఇద్దరు సోదరులకు హక్కులు తాలుకు డబ్బులిస్తానని చెప్పాడు.
కానీ మొదట అనుకున్న ప్రకారం ఇవ్వకపోవటంతో వారు కోర్టుకు ఎక్కారు. ఇప్పుడు వ్యవహారం కోర్టుకు వెళ్లింది. సినిమా షూటింగ్ కి ఇది ఏ విధమైన ఇబ్బంది ఎదురౌతుందో అనే సందేహంలో ఇప్పుడు హీరో, దర్శకులు పడ్డారు. ముఖ్యంగా ఇప్పుడెలా ఉన్నా విడుదల సమయంలో ఏ విధమైన లీగల్ తలనొప్పులూ ఉండకూడదు. అప్పుడు క్లియరెన్స్ రాకపోతే చాలా పెద్ద సమస్య. ఈ లోగా సెటిల్ చేసుకుంటారనే అనుకుంటున్నారు.
ఇక ఇంతకుముందు కూడా ఈ రీమేక్ హక్కులకు సంభందించిన వ్యవహారం కోర్టుకు వెళ్లింది. తమ అనుమతి లేకుండా,తమకు రాయల్టి చెల్లించకుండా ఈ చిత్రాన్ని రీమేక్ చెయ్యటానికి వీల్లేదంటూ ఒరిజనల్ సినిమాకు రచన చేసిన సలీం ఖాన్,జావేద్ లు అభ్యంతరం వ్యక్తం చేసి లీగల్ నోటీసులు పంపారు. అయితే ఈ సమస్యను దర్శక,నిర్మాతలు జాగ్రత్తగా డీల్ చేసి సాల్వ్ చేసుకున్నారు.
జంజీర్ రీమేక్ లో రామ్ చరణ్.. విజయ్ గా కనిపించనున్నాడు..మాలా గా ప్రియాంక చోప్రా, తేజగా ప్రకాష్ రాజ్ చేస్తున్నారు. ఇక షేర్ ఖాన్ పాత్రలో సోనూసూద్(తెలుగు వెర్షన్ కి), సంజయ్ దత్(హిందీ వెర్షన్ కి), మోనా గా మహీ గిల్ కనిపించి అలరించనున్నారు. ఆయిల్ మాఫియా బ్యాక్ డ్రాప్ లో ఈ చిత్రం రూపొందుతోంది

19 ఏళ్ల తర్వాత తన భార్య ఆడది కాదని గుర్తించిన భర్త

తాను పెళ్లి చేసుకున్నది ఓ ఆడామెను కాదని ఓ భర్త పెళ్లైన పందొమ్మిదేళ్ల తర్వాత గుర్తించాడు. ఈ సంఘటన బెల్జియంలో చోటు చేసుకుంది. ఆంట్వెర్స్ పట్టణంలో నివసించే ఓ వ్యక్తి 1993లో ఓ యువతిని పెళ్లి చేసుకున్నాడు. అయితే అతను ఇటీవలే తన భార్య ఆడామే కాదని, మగవాడిగా జన్మించాడని, ఆ తర్వాత సెక్స్ మార్పిడి చేయించుకున్నాడని గుర్తించాడు.
మరో విషయమేమంటే వీరిద్దరిది ప్రేమ పెళ్లి కావడం గమనార్హం. పెళ్లి జరిగి పందొమ్మిదేళ్లు కాపురం చేసిన తర్వాత గుర్తించడం విశేషం. అయితే ఇది అతను స్వయంగా గుర్తించింది కాదు. అతడి భార్య తరపు బంధువు ఒకరు చెబితే అసలు నిజం బయటపడింది.
ఒకరోజు భార్య దగ్గరి బంధువు ఒకరు ఇండోనేసియా నుంచి రావడంతో అసలు బండారం బయటపడింది. ఆమె పుట్టుకతోనే అమ్మాయి కాదని, మధ్యలో లింగమార్పిడి చేయించుకుని మహిళగా మారిందని అతనికి చెప్పింది, దీంతో గగ్గోలు పెట్టడం జాన్ వంతైంది.

పిల్లలు కావాలా? అని అడిగినా మోనికా వద్దు అనేదని, నా మొదటి భార్య పిల్లలనే తన పిల్లలుగా భావిస్తానని చెప్పేదని వివరించాడు. దీని వెనుక అసలు సంగతి ఇప్పటికి తెలిసిందని వాపోతున్నాడు. ఆమెను తాను బెల్జియం తీసుకు వచ్చేందుకు చాలా సమస్యలు ఎదుర్కొన్నానని కానీ, చివరకు మోసపోయానని అంటున్నాడు.

బాలా పరదేశి ఆడియో విడుదల

తన ప్రతి చిత్రాన్ని జాతీయ అవార్డుల వరుసలో నిలిపే ఆ సంచలన, యదార్థ, వాస్తవిక, విలక్షణ దర్శకుడే.. బాలా. విక్రం, సూర్య, ఆర్య, విశాల్‌ను మునుపెన్నడూ చూడనట్లు తెరపైకి తీసుకొచ్చి వారి కెరీర్‌ను మలుపు తిప్పారాయన. ప్రస్తుతం అధర్వ హీరోగా 'పరదేశి' చిత్రాన్ని తెరకెక్కిస్తున్నారు. ఆడియో విడుదల కార్యక్రమం చెన్నై నగరంలో ఘనంగా జరిగింది. కార్యక్రమంలో నటుడు అధర్వ, హీరోయిన్లు వేదిక, దన్షిక, పాటల రచయిత వైరముత్తు, చేరన్‌, శీను రామస్వామి తదితరులు పాల్గొన్నారు...విక్రమ్ మాట్లాడుతూ... నాకు ఎప్పటికీ సూపర్‌స్టార్‌ బాలానే. గతంలో నేను నటించిన సినిమాలన్నీ కమర్షియల్‌గా, కామెడీగా వెళ్లినవే. కానీ తొలిసారిగా నాలోని నటుణ్ని బయటకు తెచ్చింది బాలానే. 'ఇలా నటిస్తోంది నేనేనా?'.. అన్న ఆశ్చర్యాన్ని నాలో కలుగజేశారు. అంతేకాదు.. ఈ పోటీ సినీపరిశ్రమలో నిలదొక్కుకోగలమన్న ఆత్మవిశ్వాసాన్ని నింపారు. నాకు, సూర్య, ఆర్య, విశాల్‌కు నటులుగా గుర్తింపు ఆయన చలవే. ఇప్పుడా వరుసలో అధర్వ కూడా చేరుతున్నాడు అన్నారు.

సూర్య మాట్లాడుతూ... 'సేతు' సినిమాను చూసి ఆశ్చర్యపోయా. ఆ తర్వాతి చిత్రమే నాతో చేస్తానని బాలా చెప్పారు. ఆయన్ను కలవడానికి వెళ్లినప్పుడు.. చూసి ఆశ్చర్యపోయా. ఇంత సింపుల్‌గా ఉండే బాలా.. ఎంతటి ప్రభంజనాలు సృష్టిస్తున్నారో అనుకున్నా. ఆయనతో 'నంద', పితామగన్‌' చేస్తున్నప్పుడు అసలు నటన అంటే ఏంటో నేర్చుకున్నా. నాకు ప్రస్తుతం తెలిసిన విషయాలన్నీ బాలా వద్ద నేర్చుకున్నవే అన్నారు.ప్రముఖ దర్శకుడు బాలుమహేంద్ర మాట్లాడుతూ..గురువు స్థానంలో నన్ను మనసులో పదిలంగా దాచుకున్న బాలాను చూస్తుంటే గర్వంగా ఉంది. తన సినిమాలకు సంబంధించిన వేడుకలే అయినా నేను వేదికపై ఉన్నప్పుడు అతడు కిందే ఉండటం బాధగా ఉంది. ప్రారంభంలో నా జట్టులో నాకు తెలియకుండానే పనిచేసేవాడు. అతణ్ని చూసి ఆశ్చర్యమేసింది. దగ్గరకు పిలిచి.. 'ఎవరుబాబు నువ్వు. ఏ పనైనా చెకచకా చేస్తున్నావ్‌. అందులో వైవిధ్యం ఉందే' అని చెప్పా. అనంతరం అతడి కోరిక మేరకు అసిస్టెంట్‌గా చేర్చుకున్నా. అంతేకాదు.. నా ఇంట్లో పెరిగిన వాడు బాలా. అందుకే నా పెద్దకొడుకుగా భావిస్తున్నా అన్నారు.పరదేశి చిత్రం హీరో అధర్వ మాట్లాడుతూ.. ఓ సారి బాలా ఫోన్‌ చేసి 'నీతో ఓ సినిమా తీయాలి. రేపు వస్తే ఫొటో షూట్‌ చేద్దాం' అన్నారు. అందరికీ తెలుసు బాలా సినిమాలో నటించే అవకాశమంటే ఎంత అదృష్టమో. ఆ మాట వినగానే నన్నెలా మార్చుతారోనని ఆలోచన మొదలైంది. హెయిర్‌స్త్టెల్‌ ఎలా ఉంటుందనే విషయమై అంతర్జాలంలో వెదికా. పలు రకాలు చూసి.. ఇలా మార్చుతారేమో అనుకున్నా. ఆఖరుకు నాకు అతిపెద్ద షాక్‌ ఇచ్చారు. ఇంటర్నెట్‌కే అంతుచిక్కని ఈ హెయిర్‌స్త్టెల్‌ పెట్టారు. పెద్ద సన్నివేశాలను సైతం చాలా సింపుల్‌గా 'ఇలా దూకేయాలి.. అక్కడి పడి లేచిరావాలి..' అని చెప్పేస్తారు. వాస్తవానికి అలా చెప్పడం వల్లే ఎంత శ్రమనైనా ఓర్చుకోగలం. ఈ సినిమా నిజంగానే ఓ అత్యద్భుతంగా నిలుస్తుందని నమ్ముతున్నా అన్నారు.దర్సకుడు బాలా మాట్లాడుతూ.. 'మీ నటుల్లో నచ్చిన హీరో ఎవరు?' అంటూ చాలామంది నన్ను అడుగుతున్నారు. వాస్తవానికి వాళ్లందరి కన్నా.. అదిపెద్ద నటుణ్ని నేనే (నవ్వుతూ..). లేకుంటే మీ అందరిముందు మంచివాడిలా ఎలా నటిస్తున్నానో చూడండి. 'పరదేశి'లో అధర్వను హీరోగా ఎంచుకున్నందుకు కూడా కారణం అడుగుతున్నారు. ఏం అతడు హీరో కాదా? అతణ్ని ఈ సినిమాకు ఎంచుకోవడానికి అసలైన కారణం.. బాధ్యత అన్నారు.

‘శ్రీరామరాజ్యం' లో నటించినoదుకు బాలయ్య కు దక్కీన గౌరవం

టాలీవుడ్ నటుడు బాలకృష్ణకు అరుదైన గౌరవం దక్కింది. గోవాలో జరుగుతున్న ఇండియన్ ఇంటర్నేషనల్ ఫిల్మ్ ఫెస్టివల్ 2012 ముగింపు వేడుకలకు బాలయ్యను చీఫ్ గెస్ట్ గా ఆహ్వానించారు. ఇండియన్ సినిమా 100 సంవత్సరాలు పూర్తి చేసుకున్న నేపథ్యంలో ఈ సారి జరుగుతున్న 43వ ఇండియన్ ఇంటర్నేషనల్ ఫిల్మ్ ఫెస్టివల్ ప్రత్యేకతను సంతరించుకుంది.ఫిల్మ్ నగర్ నుంచి అందిన సమాచారం ప్రకారం...ఈ వేడుకకు బాలకృష్ణ తన తనయుడు మోక్షజ్ఞను వెంట తీసుకుని వెళతాడని, ఇదే అదునుగా అతన్ని నేషనల్ మీడియాకు సైతం పరిచయం చేస్తారనే వార్తలు వినిపిస్తున్నాయి. ఏది ఏమైనా బాలకృష్ణ ముఖ్య అతిథిగా హాజరవుతుండటంపై అభిమానులు ఆనందం వ్యక్తం చేస్తున్నారు.

బాలయ్య సినిమాల విషయానికొస్తే...
శ్రీమన్నారాయణ తర్వాత బాలకృష్ణ చిత్రం ఇంకా ప్రారంభం కాలేదు. బాలయ్యతో ‘శ్రీరామరాజ్యం' నిర్మించిన యలమంచిలి సాయిబాబుతో మరో సినిమా ఉంటుందనే వార్తలు ఫిల్మ్ నగర్లో వినిపిస్తున్నాయి. బాలయ్య 100వ చిత్రంగా దీన్ని అత్యంత ప్రతిష్టాత్మకంగా తెరకెక్కించేందుకు సన్నాహాలు చేస్తున్నారు.

త్రిష, పూర్ణ ల తో ఎంఎస్ రాజు....RUM(రంభ, ఊశ్వశి, మేనక)సినిమా ???

నిర్మాతగా తెరంగ్రేటం చేసిన ఎంఎస్ రాజ ఆ మధ్య వరుస హిట్లు కొట్టి బాగా పాపులరైన సంగతి తెలిసిందే. అయితే అన్ని రోజులు ఒకేలా ఉండవు అన్నట్లు ఈ మధ్య ఈ నిర్మాత వరుస ప్లాపులు చుట్టుముట్టాయి. ఇటీవల తన తనయుడిని హీరోగా పరిచయం చేస్తూ దర్శకత్వంలో వేలు పెట్టి చేయి కాల్చుకున్నారు.

ఆ సంగతి పక్కన పెడితే ఎంఎస్ రాజు బ్యానర్ పై వచ్చే సినిమాల టైటిల్స్ మహా గమ్మత్తుగా ఉంటాయి. తాజాగా ఈ నిర్మాత మరో ఆసక్తికరమైన టైటిల్ రిజిస్టర్ చేయించారు. దాని పేరు RUM.అంటే రంభ, ఊర్వశి, మేనక అని అర్థం. ఈ మూడు పాత్రల్లో ముగ్గురు హీరోయిన్లు నటించనున్నారు.
ఫిల్మ్ నగర్ నుంచి అందుతున్న మరో ఆసక్తికర విషయం ఏమిటంటే...ఈచిత్రంలోని మూడు పాత్రల్లో హీరోయిన్ త్రిష, పూర్ణ నటించనుందని అంటున్నారు. అయితే ఈ విషయమై అధికారిక సమాచారం వెలువడాల్సి ఉంది. విభిన్న కథాంశంతో హీరోయిన్స్ బేస్డ్ చిత్రంగా ఇది ఉంటుందని అంటున్నారు.

టాలీవుడ్ లో ఒక సినిమా కే రూ 1.5 కోట్లు తీసుకుంటూన్న హీరోయిన్

యూడ్ ఫోజులతో సంచలనం సృష్టించి సినిమా అవకాశాలు దక్కించుకున్న పాకిస్థానీ భామ వీణా మాలిక్ ప్రస్తుతం పలు బాలీవుడ్ చిత్రాలతో పాటు తెలుగులో ‘నగ్న సత్యం' అనే చిత్రం చేస్తున్న సంగతి తెలిసిందే. ఆమె తెలుగు తెరపై అడుగిడిన నేపథ్యంలో శృంగార పరమైన సినిమాలు చేద్దామని కొందరు నిర్మాతలు సిద్ధం అయ్యారు. అయితే ఆమె రెమ్యూనరేషన్ వివరాలు తెలుసుకుని అంతా షాకవుతున్నారు.
తాజాగా ఫిల్మ్ నగర్ నుంచి వినిపిస్తున్న గాసిప్స్ ప్రకారం...వీణా మాలిక్ ప్రస్తుతం తెలుగులో చేస్తున్న ‘నగ్న సత్యం' సినిమాకు రూ. 1.5 కోట్లు తీసుకుంటోందట. ప్రస్తుతం తెలుగులో టాప్ హీరోయిన్స్ గా ఉన్న వారికి కూడా ఈ రేంజిలో రేటు లేదు. మరి వార్తల్లో నిజా నిజాలు తేలాల్సి ఉంది.

ఒక వేళ అదే నిజమైతే...‘నగ్న సత్యం' ఈచిత్రంలో వీణామాలిక్ తో ఏమైనా నగ్న సన్నివేశాలు చేయించే ఉద్దేశ్యంతో ఇంత భారీ మొత్తం ఇచ్చేందుకు నిర్మాతలు రెడీ అయ్యారని టాక్. ఇలాంటి సీన్లలో నటించడానికి వీణా మాలిక్ అందరి కంటే ముందు ఉంటుందనే విషయం తెలిసిందే.
నగ్న సత్యం సినిమా విషయానికొస్తే... అనురాధా ఫిలిమ్స్‌ పతాకంపై చదలవాడ శ్రీనివాసరావు ఈ చిత్రాన్ని నిర్మిస్తారు. రామారావు దర్శకుడిగా పరిచయమవుతున్నారు. సమర్పణ: చదలవాడ తిరుపతిరావు. చదలవాడ శ్రీనివాసరావు గతంలో అన్నావదిన, రిక్షారుద్రయ్య, వార్నింగ్, ప్రేమించాను నిన్నే చిత్రాలను నిర్మించారు.

డిసెంబర్ 14న‘నాయక్’ఆడియో విడుదల..

రామ్ చరణ్ తాజా చిత్రం నాయక్ ఆడియో విడుదల తేదీ,వెన్యూ ఖరారయ్యాయి. డిసెంబర్ 14న ఆడియోని సినీ ప్రముఖుల సమక్షంలో మెగా బ్రదర్శ్ హాజరైన పంక్షన్ లో విడుదల చేస్తారు. అలాగే ఈ ఆడియో విడుదలకు వెన్యూగా శిల్ప కళా వేదిక ని ఎంపిక చేసారు...  ఈ చిత్రం గురించి దర్శకుడు చెబుతూ ''కథకి అనుగుణంగానే నాయక్‌ అనే పేరు ఖరారు చేశాం. రామ్‌ చరణ్‌ పాత్ర తీరుతెన్నులు ఆయన నటించిన గత చిత్రాలకంటే భిన్నంగా ఉంటాయి..ఇది యాక్షన్ ఎంటర్టైనర్. ప్రస్తుతం ఈ చిత్రం హైదరాబాద్ లో చిత్రీకరణ జరుపుకుంటోంది'' అన్నారు. ''అటు మాస్‌నీ ఇటు యువతనీ ఆకట్టుకొనే కథ ఇది'' అన్నారు చిత్ర సమర్పకుడు సూర్యదేవర రాధాకృష్ణ.

నిర్మాత డి.వివి దానయ్య మాట్లాడుతూ... ‘ఈ కథకు ‘నాయక్' అనే టైటిల్ సరిగ్గా యాప్ట్. పక్కా మాస్ అంశాలతో పాటు హాయిగా నవ్వుకునేలా ఉంటే అద్భుతమైన కథను ఆకుల శివ అందించారు. ఈ సినిమాకు సంభాషణలు కూడా శివే అందించడం విశేషం. తమన్ సంగీతం, చోటా కె.నాయుడు ఛాయాగ్రహణం ఈ చిత్రానికి ప్రధాన బలాలు. సాంకేతికంగా ఉన్నతంగా ఉంటుందీ సినిమా అన్నారు.
అలాగే ‘మగధీర' తర్వాత రామ్‌ చరణ్‌, కాజల్ కలిసి నటిస్తున్న చిత్రం ఇదే కావడం గమనార్హం. అమలా పాల్ పాత్ర కూడా కథలో కీలకమైందే. రామ్‌ చరణ్‌ పాత్ర తీరుతెన్నులు ఇందులో వైవిధ్యంగా ఉంటాయి. ఇప్పటివరకూ కనపించని కొత్త చరణ్ ఈ సినిమాలో కనిపిస్తాడు. అభిమానుల అంచనాలకు తగ్గట్టుగా వినాయక్ ఈ చిత్రాన్ని తెరకెక్కిస్తున్నారు.

Nagarjuna’s New Film Started ....

 King of Tollywood Akkineni Nagarjuna's forthcoming action entertainer Bhai ,muhurtham puja was held in this morning at Annapurna Studio. Richa Gangopadhyay is playing the female lead in this film and she tweeted with excitement after attending ‘Bhai’ film muhurtham like this   Just attended the Mahurat puja for my next film w Nagarjuna sir ‘ Bhai ‘ at Annapurna Studios :). Director Veerabhadram, who scored success with films like Aha Naa Pellanta and Poolarangadu , is wield the megaphone for ‘ Bhai’ movie. Devi Sri Prasad is going to compose music, while Sameer Reddy will handle camera and Nagarjuna himself is producing the film, which is expected to be an action entertainer in a mafia backdrop

గిన్నీస్ బుక్ లోకి భోజపురి భామ ?

ఇంతకాలం భారతీయ దర్శకులు,నిర్మాతలు మాత్రమే గిన్నీస్ బుక్ ఎక్కగలిగారు. అయితే త్వరలో ఐటం సాంగ్ లతో గిన్నీస్ కి బుక్ కి ఎక్కబోతోంది ఓ ఐటం బాంబ్. భోజపురికి చెందిన సీమా సింగ్ త్వరలో గిన్నీస్ వరల్డ్ రికార్డులలో చోటు చేసుకోనుంది. ఆమె ఇప్పటివరకూ రెండు వందల యాభైకి పైగా ఐటం సాంగ్ లు చేసింది. దాంతో ఇప్పటివరకూ ప్రపచంలో అన్ని ఐటం సాంగ్ లలో చేయలేదని,గిన్నీస్ రికార్డుకి పంపుతున్నామని చెప్తున్నారు.భోజపురి చిత్రాలతో సీమా సింగ్ ది ప్రత్యేక స్ధానం. ఆమె ఐటం సాంగ్ ఉందంటే నిర్మాతలు తమ సినిమా సగం హిట్టే అని భావిస్తారు. దాంతో ఆమె అక్కడ పూర్తిగా ఐటం గర్ల్ గా సెటిలైపోయింది. ఆమె తను ఐటం సాంగ్ వీడియోలన్నిటినీ సేకరించే పనిలో ఉంది.వాటిని అన్నిటినీ కలిపి గిన్నీస్ వారికి పంపుతున్నారు. ఆమె తరుపున ఓ టీమ్ ఇప్పటికే ఆ సినిమాలు నుంచి ఆ సాంగ్స్ కట్ చేసే పనిలో పడిపోయింది. అయితే కొన్ని చిత్రాలు సిడీలు లభ్యంకాకపోవటంతో వాటి నిర్మాతలను ఆమె సంప్రదిస్తోంది.

ఇక ఇలా సీమా గిన్నీస్ బుక్ లోకి ఎక్కటం అందరినీ ఆశ్చర్యపరుస్తోంది. భోజపురి పరిశ్రమ అయితే చాలా ఆనందపడుతోంది. తమ పరిశ్రమ ఏ విషయంలోనూ తీసిపోదని ప్రపంచానికి తెలియచేసినట్లవుతుందని అంటోంది. భోజపురి చిత్రాలకు ప్రత్యేకమైన మార్కెట్ ముంబై వంటి మహానగరాల్లో ఉంది. ఆ సినిమాల కోసం పెద్ద స్టార్స్ నటించిన హిందీ సినిమాలను సైతం ప్రక్కన పెట్టి జనం వెళ్లి చూస్తూంటారు. అలా భోజపురి ప్రేక్షకులందరికీ ఆమె సుపరిచితమే.