నారా రోహిత్ కు కాజల్ తో పెళ్లి ??

కొన్నిసార్లు అంతే... దురద్రుష్టం వెంటాడితే, ఎవరో వస్తారు. మనకు అవుతారనుకున్నవాళ్లను తీసుకుపోతారు. పాపం, నారా రోహిత్ విషయంలోనూ ఇలాగే జరిగింది. ఇరుకుటుంబాల పెద్దలూ కలిసి కుదిర్చిన పెళ్లి అది. అమ్మాయి కూడా రోహిత్ కి ఎంతో నచ్చింది. అమ్మాయి మరెవరో కాదు... సాక్షాత్తూ కాజల్. దాంతో వెంటనే ఒప్పేసుకున్నాడు. పెళ్లి పీటలవరకూ వెళ్లింది. ఇంతలో ఓ సారొచ్చారు. పెళ్లికాస్త ఆగిపోయింది. ‘ఇదేంటి, రోహిత్ పెళ్లి కాజల్ తో ఆగిపోవడమేంటి’ అనుకుంటున్నారా... ఇదంతా నిజం కాదండీ బాబూ... సినిమా. ఏ సినిమానో మీకు ఈ పాటికే అర్థమైపోయి ఉంటుంది. అవును, రవితేజ నటిస్తున్న సారొచ్చారు సినిమా. ఇందులో పెద్దలు కుదర్చిన పెళ్లిచేసుకునే యువకుడిగా రోహిత్ కనిపిస్తే... ఆ అమ్మాయిని ప్రేమించే యువకుడిగా రవితేజ కనిపించనున్నాడట. పీటల వరకూ వచ్చిన పెళ్లిని... ప్రేమికుల ప్రేమను అర్థం చేసుకుని త్యాగం చేసే వ్యక్తిగా రోహిత్ కనిపిస్తే... కాజల్ ప్రేమను పొందిన ప్రేమికుడిగా రవితేజ కనిపిస్తాడట. కథ బాగుంది కదూ.