టాలీవుడ్ హీరో ల వయస్సు ఎంత ?

మూవీ ఆర్టీస్ట్ అసోసియేషన్ (మా) 2013 డైరీ ఆవిష్కరణ కార్యక్రమం ఫిలిం ఛాంబర్‌ ఆఫ్‌ కామర్స్‌లో అంగరంగ వైభవంగా జరిగింది. మూవీ ఆర్టిస్ట్స్‌అసోసియేషన్‌ సభ్యులతోపాటు అక్కినేని నాగేశ్వరరావు, కైకాల సత్యనారాయణ, కృష్ణంరాజు, కృష్ణ, విజయనిర్మల, గీతాంజలి, జమున, రంగనాథ్‌, యువ హీరోలు కూడా హాజరయ్యారు. ఈ సందర్భంగా మూవీ ఆర్టిస్ట్స్ అసోసియేషన్ అధ్యక్షుడు మురళీ మోహన్ మాట్లాడుతూ...అరుదైన కాంబినేషన్‌ తో వేదిక కళకళలాడుతోందని... ఇలాంటి కాంబినేషన్‌ మళ్ళీమళ్లీ రావాలని కోరుకుంటున్నానన్నారు. ఈ సందర్భంగా పలువురు నటులు ఆసక్తికర వ్యాఖ్యలు చేశారు. అక్కినేని నాగేశ్వరరావు తన పుట్టిన రోజున తన వయస్సు ఎంతయితే అంత సొమ్మును చెక్‌ ద్వారా ఫండ్‌ కింద 'మా' అసోసియేషన్‌ ఇస్తున్నట్లు గత ఏడాది ప్రకటించారు. ఈ సందర్భంగా తనకు 89ఏళ్లు దాటాయి. అంతా నూరేళ్లు బతుకంటున్నారు. ఇంకా ఆశ లేదు. ఉన్నప్పుడే మంచి చేయాలనేది నా ఆశ. నాకు వచ్చే సెప్టెంబర్‌ 20 నాటికి 90ఏళ్లు వస్తాయి కాబట్టి 90వేలు ఇస్తానని అక్కినే ప్రకటించారు. దీంతో అక్కినేని వయస్సు 89ఏళ్లు అని ఆయనే స్వయంగా చెప్పేశారన్న మాట. అదే సమయంలే రెబల్ స్టార్ కృష్ణంరాజు కూడా చెక్ ఇచ్చినపుడు అంతా వయసు చెప్పాని కోరారు. అయితే ఆయన మాత్రం మీడియా చెబుతుందంటూ తప్పించుకునే ప్రయత్నం చేశారు. అయితే జమున, గీతాంజలి, విజయనిర్మల పట్టుపట్టడంతో... కృష్ణంరాజు తన వయస్సు 72 ఏళ్ళు జనవరి 20 నాటికి 73 ఏళ్లు వస్తాయన్నారు. విజయనిర్మలకు ఫిబ్రవరి 20 నాటికి 69 ఏళ్లు, జమునకు ఆగస్టు 30కి 77 ఏళ్లు వస్తాయని చెప్పారు. మిగతా వారు మాత్రం తమ వయస్సు త్వరలో ప్రకటిస్తామని దాటవేశారు. మొత్తానికి 'మా' డైరీ ఆవిష్కరణ కార్యక్రమం నటీనటుల వయస్సు వివరాలను బటయపెట్టిందన్నమాట.