మళ్ళీ డ్రగ్స్ తో టాలీవుడ్

టాలీవుడ్ లో మరో డ్రగ్స్ రాకెట్ బట్టబయలైంది. హైదరాబాద్ ఎస్ఆర్ నగర్ లో డ్రగ్స్ అమ్ముతూ మరో నటుడు, విలన్ అభిషేక్ పోలీసులకు పట్టుబడ్డాడు. అతని నుంచి పోలీసులు 10గ్రాముల కొకైన్ ను స్వాధీనం చేసుకున్నారు. తెలుగు సినీ పరిశ్రమలో పనిచేస్తున్న వర్థమాన హీరో, హీరోయిన్లు, క్యారెక్టర్ ఆర్టిస్టులకు అభిషేక్ డ్రగ్స్ సరఫరా చేసినట్టు పోలీసులు అనుమానం వ్యక్తం చేస్తున్నారు. సాఫ్ట్ వేర్, సినీ ప్రముఖులే టార్గెట్ గా అభిషేక్ డ్రగ్స్ బిజినెస్ సాగుతోంది. జూబ్లీహిల్స్ , బంజారాహిల్స్, మాదాపూర్ లాంటి కాస్ట్ లీ ఏరియాల్లో ఈ డ్రగ్స్ దందా జోరుగా సాగుతోంది. డ్రగ్స్ ను గోవా నుంచి దిగుమతి చేసుకుని... హైదరాబాద్, బెంగళూరు ప్రాంతాల్లోని ప్రముఖులకు విక్రయించినట్టు ఎస్ఆర్ నగర్ పోలీసులు అనుమానిస్తున్నారు. డేంజర్, నువ్వొస్తానంటే నేనొద్దంటానా సినిమాలో అభిషేక్ విలన్ పాత్రలు పోషించాడు. తర్వాత కాలంలో పెద్దగా అవకాశాలు రాకపోవడంతో డగ్ర్స్ బిజినెస్ మొదలు పెట్టాడని తెలుస్తోంది. అభిషేక్ పై నిఘా పెట్టిన పోలీసులు నిన్న రాత్రిరెడ్ హ్యాండెడ్ గా పట్టుకున్నారు. గతంలో కూడా టాలీవుడ్ లో అనేక మంది ప్రముఖులు డగ్రస్ కేసులో పోలీసులకు చిక్కారు. ప్రముఖ హీరో రవితేజ సోదరులు కొకైన్‌ తో పోలీసులకు పట్టుబడ్డారు. మరోసారి సినీనటి జీవిత తమ్ముడు మురళి డ్రగ్స్‌ అమ్ముతూ వెస్ట్‌జోన్‌ పోలీసులకు అడ్డంగా దొరికిపోయాడు. కెటమిన్‌ డ్రగ్‌తో ఓ ప్రొడ్యూసర్‌ మాదాపూర్‌ పోలీసులకు పట్టుబడ్డాడు. డ్రగ్స్ రాకెట్ లో హీరో వరుణ్ సందేశ్ పేరు కూడా వినిపించింది. లంగర్ హౌస్ దగ్గర నైజీరియన్ దేశస్థుడు ఫెడ్రిక్స్ తో పాటు డాక్టర్ సిద్ధార్థ రెడ్డి కొకైన్ తో పోలీసులకు పట్టుబడ్డారు. వారిని విచారిస్తే టాలీవుడ్ హీరోలతోపాటు ప్రముఖులతో లింకులు ఉన్నట్టు తేలింది.