'డి ఫర్‌ దోపిడీ'. కాప్షన్‌ 'దొబ్బడానికా? దొబ్బించుకోడానికా?'

ఇదేదో.. తిట్టులా ఉందికదా..అవును. తెలుగు భాషే.. ఇటీవలి కాలంలో తెలుగు భాష రకరకాలుగా ఖూనీ అవుతుంది. సినిమాల్లో అది స్పష్టంగా కన్పిస్తుంది. తెలుగురానివారు మాట్లాడే భాష అనుకుంటే పొరపాటే... తిరుపతికి చెందిన యువ నిర్మాతలు ఇటీవలే సినిమా తీశారు. దాని పేరు 'డి ఫర్‌ దోపిడీ'. 

బ్యాంక్‌ దోపిడీ నేపథ్యంలో కథ సాగుతుంది. వరుణ్‌ సందేశ్‌, సందీప్ కిషన్‌, నవీన్‌, రాకేష్‌ నలుగురు వ్యక్తులు దొంగతనం చేయడానికి వెళతారు. ఈ కాన్సెప్ట్‌తో చిత్రం రూపొందింది. ఎన్‌.ఆర్‌.ఐ.లు రాజ్‌ నిడిమోరు, కృష్ణా డి.కె. నిర్మించారు. మరో ఎన్‌.ఆర్‌.ఐ. సిరాజ్‌ కల్లా దర్శకత్వం వహించారు. ఈ నిర్మాతలు గతంలో 'ఫోర్‌ ఆఫ్‌ ది సిటీ' అనే బాలీవుడ్‌ చిత్రం నిర్మించారు. హాలీవుడ్‌లో కూడా కొన్ని డాక్యుమెంటరీలు తీశారు. అయితే తెలుగులో నేరుగా సినిమానే తీశారు. అయితే ఇందులో భాష కాస్త ఇబ్బంది కల్గించింది.

సోమవారంనాడు చిత్రం లోగోను అశ్వనీదత్‌ విడుదల చేశారు. ఆ తర్వాత దర్శకుడు క్రిష్‌, దేవకట్టా, సుకుమార్‌లు కలిసి ఒక్కో పోస్టర్‌ను విడుదల చేశారు. పోస్టర్లలో కాప్షన్‌ 'దొబ్బడానికా? దొబ్బించుకోడానికా?' అని ఉంది. దీని గురించి చర్చ జరిగింది. నిర్మాతలు మాట్లాడుతూ.... ఇది బూతు కాదండి.. తిరుపతిలో ఎక్కువగా వాడుకలో ఉందని వివరించారు. 

కానీ, మిగిలిన ప్రాంతాల్లోనూ క్యాజువల్‌గా అలా తిట్టుకున్నా.. రాయడానికి ఇది కరెక్ట్‌ కాదని.. ఓ విలేకరి చెప్పడంతో దాంతో... ఈ కాప్షన్‌ను తీసేస్తామంటూ... సెన్సార్‌కు వెళ్ళలేదు. ఒక వేళ వెళితే అప్పుడు పరిశీలిస్తామని చెప్పడం విశేషం. తెలుగు భాషతో రకరకాలుగా ఫీట్లు చేయిస్తున్న ఎన్‌.ఆర్‌.ఐ.లు ఇకనైనా సరిగ్గా సినిమాల్లో భాషను ఉపయోగించాలని పలువురు సూచిస్తున్నారు.