పవన్ కళ్యాణ్ సినిమాపై నిప్పులు చెరుగుతున్నాతెలుగుదేశం పార్టీ?

పవర్ స్టార్ పవన్ కళ్యాణ్ హీరోగా నటించిన కెమెరామేన్‌ గంగతో రాంబాబు సినిమా రాజకీయ రంగు పులుముకుంటోంది. తెలుగుదేశం పార్టీ కార్యకర్తలు సినిమాపై నిప్పులు చెరుగుతున్నారు. తెలుగుదేశం పార్టీ అధ్యక్షుడు నారా  చంద్రబాబు నాయుడు కర్నూలు జిల్లా వస్తున్నా.. మీకోసం పాదయాత్రలో పవన్ కళ్యాణ్ సినిమాపై పార్టీ కార్యకర్తలు తమ ప్రతాపాన్ని ప్రదర్శించారు.పవన్ కళ్యాణ్ ఫ్లెక్సీలను, కెమెరామేన్ గంగతో రాంబాబు పోస్టర్లను తెలుగుదేశం పార్టీ కార్యకర్తలు చించేసి, వాటిని దగ్ధం చేశారు. తమ నాయకుడు చంద్రబాబు పాదయాత్రపై సినిమాలో సెటైర్లు ఉన్నాయని, ఉద్దేశ్యపూర్వకంగానే అందులో ఆ సంభాషణలు పెట్టారని వారు ఆగ్రహం వ్యక్తం చేశారు. సినిమాలోని పాత్రల పేర్లు కూడా చంద్రబాబు కుటుంబ సభ్యుల పేర్లను పోలి ఉన్నాయని వారన్నారు. సినిమాలోని సెటైర్లను తొలగించకపోతే కెమెరామేన్ గంగతో రాంబాబు సినిమాను అడ్డుకుంటామని వారు హెచ్చరించారు.