ప్రచారానికి దూరంగా జూనియర్ ఎన్టీఆర్:ఎందుకు??

ఎన్టీఆర్  కీ ఇటీవల కాలంలో పెద్దగా ప్లాపులు  లేవు, మంచి ఫామ్‌లో ఉన్నప్పటికీ  జూనియర్ విషయంపై ప్రచారం తగ్గడం ఆయన సన్నిహితుల్లోనూ ఆశ్చర్యం కలిగిస్తోంది. అసలు ఇలా ఎందుకు జరుగుతుందో అర్థం కావడం లేదంటున్నారు.స్టార్ హీరోల పేర్లు నిత్యం మీడియాలో ఉంటాయి. వారేం చేసినా, చేయకపోయినా వార్త అవుతుంది. అయితే టాలీవుడ్ విషయానికి వస్తే.. యంగ్ టైగర్ ఎన్టీఆర్ పేరు ఈ మధ్య అంతగా వినిపించడం లేదు..ఎన్టీఆర్ అప్ కమింగ్ మూవీ బాద్‌ షా ప్రేక్షకుల ముందుకు రాబోతోంది. అయితే తన సినిమా వస్తున్న టైమ్ లో కూడా ఎన్టీఆర్.. తోటి హీరోల మాదిరిగా పెద్గగా హడావిడి చేయడం లేదు. మహేష్‌బాబు, రామ్‌చరణ్‌, ప్రభాస్ వంటి హీరోలతో పోలిస్తే జూనియర్ ప్రచారానికి దూరంగానే ఉంటున్నాడు. మహేష్‌, చరణ్‌ నటించిన చిత్రాలు మార్కెట్లో ఉండడమే కాకుండా, ఏదో ఒక కారణం చూపుతూ వారు ప్రేక్షకుల మధ్యకు వెళుతున్నారు. కార్పోరేట్‌ సంస్థలకు అంబాసిడర్‌గా కూడా వారు చాలా ముందున్నారు. వారితో పోలిస్తే జూనియర్‌ కొంత వెనకపడ్డారని ఆయన అభిమానులు అసంతృప్తితో ఉన్నారు. అయితే ఇండస్ట్రీలో ఇలాంటివి సహజమని, వీటన్నింటికి సినిమా హిట్సే సమాధానం చెబుతాయని వాదించే వారూ ఉన్నారు. ..